Týskvøldið 1. oktobur kl. 18:00

Listasmiðja - Gula Smiðja Listasmiðja í Gulu Smiðju er ætlað ungum frá 7. flokki og uppeftir. Í Listasmiðjuni fara vit at menna okkara skapandi evni og gera royndir við ymiskum tilfari, amboðum og arbeiðshættum. Eisini læra vit um listasøgu, rák og listafók og finna íblástur í teimum. Endamálið er at luttakararnir skulu hava mót uppá at halda fram við skapandi arbeiði tá skeiðið er av. Umframt luttøkugjaldið á 400 kr skulu vit brúka uml. 300 kr til egið tilfar, sum kann gjaldast í smáum. Listasmiðja er mánadag 17:00-19:30 í Gulu Smiðju. Er okkurt at spyrja um, eru tit vælkomin at seta tykkum í samband við meg. Vinaliga Margretha

Skeiðið Dugnaskaparroynd í sigling endar við próvtøku. Prógvið gevur rætt at føra skip upp til 24 metrar út á 200 fjórðingar, um treytirnar við siglingartíð, sjón- og læknaváttan eru í lagi. Umframt kravdu lærugreinirnar: Siglingarlæru, skipstøkni, sjóreglur og veðurlæru. Í siglingarlæru verður stórur dentur lagdur á frálæru í GPS'ara og radara. Næmingurin skal vera fyltur 15 ár próvtøkudagin, ið verður í mars 2025.   Undirvíst verður týskvøld og mikukvøld, men fyrsta undirvísingarkvøld verður týskvøldið 22. oktobur kl. 18.45. Undirvísarar verða Andre F. Danielsen og Anton Højgaard. Er okkurt at spyrja um, eru tit vælkomin at seta tykkum í samband við annan teirra.

Orðasmíð í Gulu smiðju Lesi- og skriviverkstova í Gulu Smiðju, ætlað ungum frá 7. flokki og uppeftir. Á skeiðinum fara vit at fáast við føroyskt mál á ymiskan hátt: vit hava lesibólk við ymiskum tekstum, gera ymiskar skrivivenjingar og lesa tekstir hjá hvørjum øðrum sum frá líður. Vit koma at hava ymiskar gestalærarar og rithøvundavitjanir, og tey, sum luttaka, sleppa eisini sjálvi at seta dagsskránna í ávísan mun –  Yrkingar? Søgur? Sangtekstir? Samrøður? Greinar? Vit ætla at royna eitt sindur av hvørjum! Endamálið er, at luttakararnir skulu fáa gongd á pennin og skapanarhugin og menna sínar málsligu førleikar. Vit byrja 23. oktober og møtast mikukvøld kl. 19.00-21.00  fram til páskir. Er okkurt at spyrja um, eru tit vælkomin at seta tykkum í samband við meg. Vinaliga Tóta

FØROYSKT TEKNMÁL Skeiðið vendir sær til námsfrøðingar, lærarar, heilsustarvsfólk og avvarandi. Øll eru vælkomin. Er okkurt at spyrja um, eru tit vælkomin at venda tykkum til undirvísaran.

Møbilpolstring 2 Góðu luttakarar. Meiningin við hesum skeiði er, at luttakararnir fáa eina hilling á tí at polstra møblar, læra ymiskar teknikkir og at nýta tey amboð, ið eru viðkomandi fyri fakið. Meiningin er ikki, at luttakarar seta sær so nógv fyri, at undirvísarin er bundin at tí eina næminginum tað mesta av undirvísingartíðini. Fyri at skeiðið skal kom øllum luttakarunum til góðar, loyvir undirvísarin sær at velja ímillum teir lutir, ið luttarararnir seta sær fyri at umvæla.   Um so er, at skeiðið er fultteknað, ber til at seta seg á bíðilista við at venda sær til undirvísaran. Vinaliga Jeffri

FUGLAR Í FØROYUM Á SKEIÐINUM FARA VIT AT LÆRA UM FUGLALÍVIÐ Í FØROYUM, OG EISINI FARA VIT NAKRAR TÚRAR AT HYGGJA AT FUGLI. SKEIÐIÐ VERÐUR HILDIÐ 6 FYLGJANDI HÓSDAGAR. AT HAVA VIÐ: STIVLAR, ÚTIKLÆÐIR OG EVT. EINA TERMOKANNU. ER OKKURT AT SPYRJA UM, ERU TIT VÆLKOMIN AT TOSA VIÐ MEG.  VINALIGA SILAS

Glaslist. Skeiðið í glaslist er ætlað nýbyrjarum. Tað vil siga, at á skeiðinum verður farið í holt við grundleggjandi vitan og arbeiðsháttir innan glaslist.  Afturat luttøkugjaldinum skulu luttakararnir gjalda fyri teirra egna tilfar. Skeiðið verður hildið í tríggjar dagar. Um so er, at skeiðið verður fulteknað, ber til at seta seg á bíðilista við at venda sær til mín.  Er annars okkurt at spyrja um, eru tit vælkomin at seta tykkum í samband við meg. Vinaliga Miriam

Mannagongd: Frálæran er løgd til rættis við 27 skúlatímum á 45 minuttir hvør. Her eru 15 tímar í ástøðisfrálæru og 12 tímar í verkligari koyrifrálæru. Næmingurin skal hava lógligt prutl við til undirvísingina. Loyvi at koyra millum heim og undirvísingarstað, í undirvísingartíðarskeiðinum, verður givið. Er tú undir 18 ár, krevst eisini, at tú hevur verið á skeið í fyrstuhjálp. Kvøldskúlin bjóðar eisini hetta skeiðið út, og fevnir tað um 8 tímar í frálæru. 4 tímar eru í grundleggjandi uppafturlívgan og 4 tímar í fyrstuhjálp í ferðsluni fyri ungar prutlførarar. Endalig ástøðisroynd og verklig roynd verður á Akstovuni. Persónsupplýsningar: Navn, bústaður, teldupostur, tlf. nr. og føðingardagur. Kostnaður: Kostnaðurin fyri koyrikortið er  2000 kr. Í gjaldinum er teorifrálæra, koyrifrálæra, teoribók, fyrstuhjálparskeið, gjald til akstovuna fyri ástøðis og verkligu royndirnar á 150kr og sjálv útgávan av koyrikortinum, sum kostar 150kr. Fyrsti undirvísingardagur verður mánakvøldið  18. mars 2024 í Skúlanum við Løkin kl. 18.00.  Hetta fyrsta kvøldið verður millum annað avtalað, hvørji kvøld luttakararnir fara at møta framyvir.  Vinaliga Hugo Kristiansen