Hósdagin 1. oktober kl. 18.00

letur tilmeldingin til kvøldskúlaárið 2026/2027 upp

Komandi skeið
Loading...

Mynd til skeið "Bachata fyri byrjarar (jan-mars 2026)"

12.

jan

Bachata fyri byrjarar (jan-mars 2026)

Skeiðið er tíverri avlýst vegna ov lítla undirtøku. Skeiðslýsingin var henda: Komið og roynið suðuramerikanska pardansin Bachata! Bachata er ein lættur og hugnaligur pardansur, sum øll kunnu vera við til. Endamálið við Bachata er at spreiða dansigleðina runt allan heimin og at njóta góðan tónleik. Tað er ikki krav at hava dansipartnara við. Vit byrja heilt róliga, og vit lova tykkum, at tit fara at hugna tykkum. Undirvísarar eru Sharon Sivertsen, tlf. 275532, og Iris Kirke, tlf. 275970

Mynd til skeið "Kvæði og føroyskur dansur"

17.

jan

Kvæði og føroyskur dansur

Skeiðið er tíverri avlýst vegna ov lítla undirtøku. Skeiðslýsingin var henda: Á skeiðnum koma luttakararnir at fáa innlit í kvæðamentan okkara. Bæði hvussu hon hevur livað øld eftir øld, men eisini innlit í, hvussu kvæðamentanin livir í dag. Luttakararnir koma at fáa innlit í ymisk sløg av góðum dansi, og hvat kann eyðkenna eitt gott kvæði. Vit fara uppá gólv, og luttakararnir fáa møguleika at royna seg sum skiparar, og fáa yvirskipaða vegleiðing um, hvat er vert at hava í huga, tá ið ein skipar í føroyskum dansi. Luttakararnir fáa kunnleika til nakrar læringssnildir, sum kunnu brúkast, tá ein skal læra seg kvæði uttanat. Vit royna eisini nøkur dansispøl. Á skeiðnum verður rúm fyri at práta um ymiskt, sum er dansinum viðkomandi, og at siga frá onkrari viðkomandi hending ella skemtiligari søgu. Tit skulu vera hjartaliga vælkomin til ein dag, har vit samlast um góðu kvæðamentan okkara. Málbólkur: 15 ár og eldri Skrá: 10.00 Vælkomin 10.15 Kvæði og dansurin - í arbeiðslívi og til skemtanar øld eftir øld 10.40 Vit fara uppá gólv 11.00 Kvæðaeyðkenni - tað góða kvæðið 11.20 Dansurin og leiklutur skiparans - tann góði dansurin 11.40 Vit fara uppá gólv 12.00 Millummáli 13.00 At læra seg kvæðir 13.40 Vit fara uppa gólv 14.00 Dansispøl - ein partur av mentanararvinum 14.15 Vit dansa dansispøl 14.45 Kaffi og vit taka samanum

Fult teknað

04.

feb

Glaslist 4

Skeiðið í glaslist er ætlað byrjarum og teimum, ið hava ávísar royndir at arbeiða við glasi. Tað vil siga, at á skeiðinum verður farið í holtur við grundleggjandi vitan og arbeiðshættir innan glaslist. Tað er bæði hugnaligt og stuttligt og harafturat balsam fyri likam og sál at arbeiða við glasi. Har eru óteljandi møguleikar at gera vakrar og brúkiligar lutir til tín sjálvs ella til onkran annan. Afturat luttøkugjaldinum skulu luttakararnir gjalda fyri tað glasið, sum verður brúkt. Tey grundleggjandi arbeiðsamboðini hevur skúlin til láns. Skeiðið verður hildið í tríggjar dagar. Um so er, at skeiðið verður fullteknað, ber til at seta seg á bíðilista við at venda sær til mín. Er annars okkurt at spyrja um, eru tit vælkomin at seta tykkum í samband við meg. Vinaliga Miriam

09.

feb

Glaslist 5 - Restskeið

Hetta skeiðið er bert í ein dag, og vit brúka bert burturúr restglasinum. Harvið er prísurin fyri glasið bíligari á hesum skeiðinum. Er annars okkurt at spyrja um, eru tit vælkomin at seta tykkum í samband við meg. Vinaliga Miriam

Mynd til skeið "Fólkadansur fyri børn og foreldur"

22.

feb

Fólkadansur fyri børn og foreldur

Eins og í heyst og í vetur fer at bera til hjá foreldrum og børnum/ungum at dansa fólkadans í Gulu smiðju í Saltangará eina ferð um mánaðin í februar, mars og apríl. Vit dansa millum kl. 16-17 sunnudagarnar 22/2, 22/3 og 26/4 2026. Sharon Weiss fer at læra okkum dansirnar. Tað er ikki neyðugt at duga nakað frammanundan. Vit fara at dansa til livandi spælimanstónleik. Sharon (dansur) og Kristian (konsertmeistari/tónleikur) eru við hvørja ferð; hinir tónleikararnir kunnu vera skiftandi. Hevur tú hug at royna teg sum tónleikara, kanst tú møta upp. Tað er ókeypis at vera við, og tað er heldur ikki neyðugt at melda seg til frammanundan, men tit eru vælkomin at gera tað kortini. Dansurin er ætlaður børnum í skúla- og forskúlaaldri, og ommur og abbar kunnu eisini vera við. Tiltakið er eitt samstarv millum Gulu smiðju, Fólkatónleikarafelagið og Kvøld- og ungdómsskúlan í Runavíkar kommunu

Fult teknað

04.

mar

Svimjing fyri vaksin

Svimjihøllin í Bylgjuni í Runavík er tikin í nýtslu, og nú er møguleiki hjá teimum yvir 16 ár at fáa frálæru í at svimja. Skeiðið er ætlað byrjarum ella fólki, ið ikki kenna seg heilt trygg við at vera í einum hyli, men sum fegin vilja læra at svimja. Byrjað verður frá grundini, og Sonya Pratt, ið hevur drúgvar royndir sum svimjilærari í Kanada og Danmark, tekur sær av frálæruni. Frálæran fer fram á donskum. Skeiðið er fýra mikukvøld í mars á rað: 4., 11., 18. og 25. mars kl. 17-18. Møtt verður í inngongdini til svimjihøllina kl. 17.00. Hava tit spurningar um sjálva svimjifrálæruna, eru tit vælkomin at seta tykkum í samband við Sonyu, tlf. 237046

Mynd til skeið "Lesibólkur fyri børn við vaksnum"

27.

apr

Lesibólkur fyri børn við vaksnum

ÚTSETT til í heyst vegna ov lítla undirtøku. Lesibólkurin fyri børn saman við vaksnum er ætlaður næmingum í 3., 4. og 5. flokki. Hugskotið er at seta á stovn ein hugnaligan bókaklubba fyri børn og foreldur á Bókasavninum við Løkin. Tað vera tveir lærarar knýttir at bókaklubbanum, sum skipa fyri og undirvísa. Vit hittast einaferð um mánaðin. Í fyrstu atløgu verður tiltakið tvær ferðir áðrenn summarsteðgin: 27. apríl og 1. juni. Undirvísararnir kunna um bókina, sum skal lesast til næstu ferð, vit hittast. Tá ið vit hittast aftur, gjøgnumganga vit bókina við práti og onkrum kreativum, sum hóskar til bókina. Endamálið er at skapa ein felagsskap, har vaksin og børn kunnu njóta lesingina saman og fáa góðar løtur við bókum, práti og hugnaligum virksemi. Hetta er eitt stað, har lesihugur og forvitni kunnu vaksa, og har bæði børn og foreldur kunnu menna góðar lesivanar – í felag. Tilmelding fer fram inni á kurk.fo, og tað er ókeypis at luttaka (men eitt avgreiðslugjald á 10 kr er). Vinaligar heilsanir, Sára Mrdalo, tlf. 789094, og Pálin Olsen, tlf. 223534

Mynd til skeið "Fuglar í nærumhvørvinum"

02.

mai

Fuglar í nærumhvørvinum

AVLÝST vegna ov lítla undirtøku. Skeiðið setir sjóneykuna á fuglalívið í nærumhvørvinum við Løkin í Runavík; t.e. við Toftavatn og kring Skálafjørðin. Fuglar við Toftavatn Føroysku vøtnini hava sítt heilt serstaka og ríka fuglalív. Summi fuglasløg reiðrast einans við vøtn og tjarnir, og tað er sera vanligt – serliga í summarhálvuni – at síggja nógv ymisk sløg á teimum teigum, har sum vatn og vátt er. Toftavatn er ein av heilt serstøku náttúruperlunum í Føroyum, og har sæst altíð fuglur. Umframt vanlig sløg, so sum grágæs, villdunnur, trøllentur og másar, so kunnu eisini minni vanlig og sjáldsom sløg síggjast. Lómur og gjør vitja á vatninum av og á, og eisini eru grábøka, sjógvhøna og reyðspógvi sædd har, umframt nógv annað spennandi. Luttakararnir fáa fyrst eitt snarskeið leygarmorgun í teimum fuglunum, sum bæði eru vanligir og sjáldsamir við føroysku vøtnini. Síðani verður farið túr kring Toftavatn saman við skeiðleiðaranum, har vónandi nógv spennandi fuglalív verður at uppliva. Sjófuglalív kring Skálafjørðin Eitt av størstu eyðkennunum hjá Føroyum er ríka sjófuglalívið. Tá tosað verður um sjófugl, so verða tankarnir ofta leiddir til bjørg og lundalond, men nógvur sjófuglur kemur eisini inn í firðirnar at finna sær føði og lívd. Skálafjørðurin er Føroya størsti fjørður, og hann hýsir nógvum fuglasløgum, sum eru tongd at sjónum. Hetta skeiðið snýr seg um teir fuglarnar, og inniber bæði ein kunningarpart, sum lýsir sløgini í útsjónd og livihátti, og ein útferðarpart, har møguleiki verður at síggja og eyðmerkja nøkur av hesum sløgunum. At hava við báðar dagar: Stivlar, útiklæðir, kikara, drekka og ábit eftir tørvi. Er okkurt at spyrja um, eru tit vælkomin at tosa við meg. Vinaliga Silas

Mynd til skeið "Leirarbeiði 2 - seinnapartsskeið (8 ferðir)"

05.

okt

Leirarbeiði 2 - seinnapartsskeið (8 ferðir)

Kom til eitt styttri leirskeið á átta mánadagar, har tú lærir at arbeiða við leiri og glaring. Tú fært møguleikan at læra pylsu- og plátuteknikk, at forma og at dreya, og vit arbeiða við lutinum frá leirklumpi til ein lidnan lut. Vit halda til í hølum Niðri á Sandi 2 í Søldarfirði. Um so er, at skeiðið er fullteknað, ber til at seta seg á bíðilista við at venda sær til mín. Undirvíst verður kl. 14.00-18.00 átta mánadagar, og skeiðsbyrjan er 5. oktober. Sølan byrjar 1. oktober kl. 18.00

Mynd til skeið "Leirarbeiði (15 ferðir)"

05.

okt

Leirarbeiði (15 ferðir)

Her er gott at rokast, og her verða hendurnar skitnar. Tú kemur at arbeiða við leiri og glaring. Millum annað lærir tú at nýta pylsuteknikk, at forma, at dreya og ymiskt annað. Tað týdningarmiklasta er, at tú finnur tín egna teknikk og stíl. Kom og lær. Um so er, at skeiðið er fullteknað, ber til at seta seg á bíðilista við at venda sær til mín. Vinaliga Tóra

Mynd til skeið "Leirarbeiði 3 - seinnapartsskeið (8 ferðir í 2027)"

04.

jan

Leirarbeiði 3 - seinnapartsskeið (8 ferðir í 2027)

Um okkum

Kvøld- og ungdómsskúlin í Runavíkar kommunu bjóðar hvønn vetur undirvísingartilboð innan m.a. hondarbeiði, handverk, tónleik og ítrótt.

Kvøldskúlatilboðini eru í flestu førum staðsett í skúlum í ymsum bygdum í kommununi, umframt í serliga deplinum fyri handarbeiði og handverk í Søldarfirði.

Til ber hjá ungum búsitandi í Runavíkar kommunu at brúka frítíðarkortið Spjaldrið til tilboð í kvøld- og ungdómsskúlanum.

Spjaldur

Til ber at rinda fyri kvøldskúlan við Spjaldrinum. Nýt avsláttarkotuna SPJALDUR, tá tú rindar fyri skeiðið. Far síðani inn á spjaldur.runavik.fo og rinda ta upphæddina við Spjaldrinum, sum kvøldskúlaskeiðið kostar.

Hósdagin 1. oktober kl. 18.00

Komandi skeiðLoading...

Um okkum

Spjaldur

Komandi skeiðLoading...

Komandi skeið
Loading...

Komandi skeið
Loading...